..गृह पृष्ठ
साथी समिर
झापा
हाल : प्रवास बस्ति
सयपत्रीको रङ्ग भन्दा रगतको डाम राम्रो /
आफू आफू मार्ने मर्ने दाजुभाईको काम राम्रो //
बिहे भोजमा रम्नु भन्दा सिन्दुर पूछ्नु कति राम्रो /
बम बन्दुकको सङ्गीत बज्ने मेरो गाऊँ कति राम्रो //
जता ततै युद्ध चल्छ रणभुमी बन्न पाछ /
गिन्ती सबै कण्ठ भयो लाश सधै गन्न पाछ //
बिकासमा लाग्नु भन्दा काटमार गर्नु कति राम्रो //
दिनदिनै शङ्ख बज्छ मेरो गाऊँ कति राम्रो //
स्कुलका गेट भरी भोटे ताल्चा झुण्डीराछन /
गाईने हिजो डुले सरी बन्धुकधारी डुल्न पाछन //
धर्मकर्म गर्नु भन्दा गला सेर्नु कति राम्रो /
आलो रगतको बाढी आउने मेरो गाऊँ कति राम्रो //
भारोपर्म मेलापातको कुनै नाम निसान छैन /
डल्ले काले नेतै भए बाँकी कोहि किसान छैन !
दिउसै चेली बलात्कृत छन नारी हकहित कति राम्रो /
बगर सधै धुवाई रहने मेरो गाऊँ कति राम्रो /
मेरो गाऊँ कति राम्रो //
*** समाप्त ****
