..गृह पृष्ठ
नयन फूल रहे मनको बाग भर्पुर भेटिनेछ।
आँटे पिंध सागरको मोती जरुर भेटिनेछ ।
धकलेर भुमरीमा किनारामा खोज्छौ ब्यर्थ,
डुबि सक्यो गहिराइमा अब ऊ दुर भेटिनेछ।
शहर उसको वकालत,न्यायधीश उस्कै हातमा,
न्याय कहाँ तिम्रो हकमा आँफै कसुर भेटिनेछ।
हौशलाको डुंगा बढ्यो रफ्तारमा क्षितिज छून,
सक्ने छेक,भाग्न ऊ झन बढि आतुर भेटिनेछ।
बोकी बोझ आकांक्षाको चढ्यो चुम्न शिखर त्यो,
खन्यौ जहाँ चिहान उसको,अब गजुर भेटिनेछ।
-आकांक्षा शर्मा
