..गृह पृष्ठ
 |
| आनन्द श्री नेपाली |
आनन्द श्री नेपाली
डालीबाट नझरेरै ओईलिए छु म
उनले माया नगरेरै ओईलिए छु म
बाढी हेर्दै वारि बसेँ तर्नै गाह्रो भो
त्यही बाढी नतरेरै ओईलिए छु म
नरम नरम यी अंगका बयान सुन्दै'थें
सुगन्ध क्यै नछरेरै ओईलिए छु म !
जुन हाँगामा फूलेँ सधैँ त्यहीँ रमाएँ
गुलाफ जस्तो नसरेरै ओईलिए छु म
म फुल्दा त बोटै फुल्यो, मर्यो त्यही साल
बोट मर्दा नि नमरेरै ओईलिए छु म
मर्नु पर्ने 'आनन्द'को रहर पलायो
मनको घैलो नभरेरै ओईलिए छु म ।
